احلى شعر للمنتخب المصرى

مصر ياحرة وأبية
روحى ليكى ونور عنيه
بالعزيمة والتحدى
راح نجيب لك ميت هدية

وانت ياريس مبارك
جيت تساند جيت تبارك
كره فن وكل شئ
دا انت قدوة فى يوم مبارك

وانت ياجمهور عظيم
زرعت رعب فى كل تيم
بان لنا حبك رايات
ع الوشوش رسمك سليم

وانت ياشحاتة معلم
كل خططك راح تعلم
ع النسور وعلى الأسود
نفسى إيدى عليك تسلم

وانت يازيدان زعيم
كل شواطك فى الصميم
لما تنزل الملاعب
انتصارنا يكون عظيم

وانت ياعصام ياهمام
انت حارس ع الدوام
حارس المرمى ياحضرى
فيك تحدى وفيك نظام

وانت ياهانى ياسعيد
ياللى بيك الدنيا عيد
دا انت صخره فى الدفاع
لو هجوم عليك يزيد

وانت ياوائل ياجمعة
ياللى بيك الدنيا سامعة
عن كفاحك عن دفاعك
انت للاعيبه شمعة

وانت يأحمد يابن فتحى
ياللى واخد كل فرحى
رغم زعلك م المكان ده
بس خدت كل مدحى

وانت يامعوض حكاية
م البداية للنهاية
لاء وايه حريف ياواد
راح تكون دايما معايا

وانت ياشوقى صفاتك
الرجولة من سماتك
ع النجيل همة وشجاعة
هى عادة من عاداتك

وانت يااحمد م الفراعنة
جرئتك كان ليها معنى
مهما قالوا عليك وزادوا
منتخبنا بيك بيعلى

وانت ياشادى ياهادى
القلوب عليك تنادى
ذوق مهارة وطيبة زايدة
وبايديك تنصر بلادى

وانت يابن عبد ربه
فى الجحور راحوا استخبوا
فيله ايه واسود دا ايه
لسه ياحسنى بيحيوا

وانت يابو تريكة قصة
مش عارف ليك أى وصفة
فى المهارة والسلوك
نفسى أكتب الف قصة

وانت ياقناص ياعمرو
ياللى بتطيع كل أمر
كنت وقت الشدة مدفع
تفدى مصر بكل عمر

وانت ياعماد يامتعب
انت فعلا كنت مُتعب
للدفاع فى أى فرقة
فيك عزيمة وسرعة تتعب

ندعى رب الكون يبارك
فى اللى قاعد واللى شارك
بالترابط يد واحده
والأمل نمحى المهالك

شكرا مووووت

فين جدو تنسي الواد الحيله

عفوا يا عسل

إن شاء الله أشوف لجدو حاجة وربنا يزيده

مشكورة على الموضوع الرائع وألف مبروك للمنتخب

» احلى صور موبايلات
» احلى اكسسوارات لاحلى اميرات
» احلى فساتين سهرة للبنات الجميلات.........